1. |
||||
АДВЕЧНАЕ ІМКНЕНЬНЕ
Чужыя Сусьветы,
Далёкія зоры вабяць.
Невядомыя здані-каметы
Падманваюць зрок і памяць.
Неадкрытая частка
Вымярэньняў працягла кліча.
Чорных дзюр небяспечная пастка
Выглядае прывабна надзвычай.
Таямнічыя пульсуюць сігналы.
Незнаёмых планет небасхілы
Цешаць вока ўпарта, трывала
Праз туман, фатальна застылы.
|
||||
2. |
||||
РАЗЬВІТАЛЬНАЯ (PRINCESS OF NEDEAH)
Быў учора час разьвітацца.
Урэшце мусіў зысьці.
Ня ўбачымся болей,
(Хіба ў іншым жыцьці)
Надвячоркам нечакана заўважыў
Адно пустыя арэлі
У дамоўленым месцы.
Нажаль. Разьвітацца не пасьпелі…
Дзякуй за тлумачэньне
Ўсёй сьветабудовы
Дзякуй за ўчынкі
Дзякуй за словы
За начныя спатканьні
За сьпеў на сьвітаньні
За вачэй сузіраньне
Дзякуй за ўсё!..
|
||||
3. |
||||
БЯСЧАСЬСЕ
Праз аблокаў шэрань
Не прабіцца сонцу.
Сівы попел ў вышыні.
Ані гуку тут,
Ані руху там,
Горны пас удалечыні.
Незямныя рэкі
У далінах змрочных,
Недасяжныя адсюль.
Туманаў сьцены,
Выпарэньняў хвалі
Нябяспечныя паўсюль
Смутны далягляд,
Каменны град
Стала высьцілае дол…
Змарнаваны час,
Падступны газ,
Пыл бязлітасны вакол…
Моцны землятрус,
Скамянелы друз
Шчыльна высьцілае дол…
Застылы час,
Атрутны газ,
Пыл бязлітасны вакол…
Акіян атруты
Ільдом чорным скуты.
Немагчыма тут жыцьцё.
Коўдраю багністай,
Вэлюмам імглістым
Накрывае нябыцьцё.
Крывавы золак
Памерлых зорак
Усё, што бачна навакол:
Сьляды паразы,
Іржы метастазы,
Спрэс атрутны арэол.
Смутны далягляд,
Каменны град
Стала высьцілае дол…
Змарнаваны час,
Падступны газ,
Пыл бязлітасны вакол…
Моцны землятрус,
Скамянелы друз
Шчыльна высьцілае дол…
Застылы час,
Атрутны газ,
Пыл бязлітасны вакол…
|
||||
4. |
04 Cenotaph
02:42
|
|||
Instrumental
|
||||
5. |
05 Zahubleny / Lost
10:39
|
|||
ЗАГУБЛЕНЫ
Нятрывалыя прагнозы часам
Нестабільныя наладкі стала
Наважаюся ўсё выправіць сам насам
Дасылаю аварыйныя сыгналы
Назіраю пурпуровыя нябёсы
Пачуваюся нібыта пад гіпнозам
Прабіраюся праз шэрыя заносы
Прадчуваю набліжэньне зноў псыхозу
Незнаёмыя сузор’і
Непралазныя сумёты
Непрадказальнае надвор’е
Незразумелыя грымоты
Аднастайны кругагляд надта дзіўны
Блізкі акіян трывожна неспакойны
Непрыемнасьцяў ланцуг непарыўны
Пагражае ўсьцяж рызыкаю падвойнай
Непрыемны рэзананс
Усё направіць ня дам рады
Уся сістэма — трывалы дысананс
Дэпрэсыўныя прэсуюць далягляды
Нятрывалыя прагнозы часам
Нестабільныя наладкі стала
Наважаўся ўсё выправіць сам насам
Дасылаю аварыйныя сыгналы
|
||||
6. |
06 Ad Astra
10:13
|
|||
AD ASTRA
Незвычайнае зьзяньне
Залівае вакол абшары.
Шэраг адлюстраваньняў
Упрыгожыў ланцуг ангараў.
Промні сонцаў чырвоных
Цешаць усіх да эўфарыі,
Да рухаў шалёных,
Насустрач стыхіі
Гэта шлях праз нябёсы —
Лад жыцьця назаўжды.
Невядомых дзівосаў
Адшукайма сьляды.
Імкненьне да зораў —
Сэнс жыцьця назаўжды.
Невядомых прастораў
Адшукайма сьляды.
Усё бліжэй заканчэньне
Падрыхтоўкі да адлёту.
Цешыць вока праменьнем
Выгляд срэбнага зорнага флоту.
Надыходзіць імгненьне
Крылы ўрэшце распасьцерці
Да зораў імкненьне —
Шлях у бяссмерце.
Гэта шлях праз нябёсы —
Лад жыцьця назаўжды.
Невядомых дзівосаў
Адшукайма сьляды.
Імкненьне да зораў —
Сэнс жыцьця назаўжды.
Невядомых прастораў
Адшукайма сьляды.
|
Stonerhenge Minsk, Belarus
The band Stonerhenge was created in 2020 by members of several famous Belarusian rock bands
Streaming and Download help
If you like Stonerhenge, you may also like:
Bandcamp Daily your guide to the world of Bandcamp